Rheolwr Data ac Adrodd

Disgrifiad Swydd

Y rôl
Beth fyddwch chi’n ei wneud
Pwy ydych chi – Cymwysterau, Profiad, Gwybodaeth a Sgiliau sy’n ofynnol
Sut i wneud cais
Buddion
Fisa Cyflogaeth

Y rôl

I wneud ymholiad anffurfiol cysylltwch â Helen Eustace yn hee27@aber.ac.uk.  

Fel arfer fe benodir i swyddi o fewn 4 - 8 wythnos wedi’r dyddiad cau.

Beth fyddwch chi’n ei wneud

Gallai’r disgrifiad swydd hwn gael ei adolygu a’i newid yn sgil newid yn anghenion y Brifysgol, i roi cyfleoedd datblygu priodol ac/neu i ychwanegu dyletswyddau rhesymol eraill.

Gallai'r disgrifiad swydd hwn gael ei adolygu a'i newid i gyd-fynd â newidiadau yn anghenion y Brifysgol, i ddarparu cyfleoedd datblygu priodol, ac/neu i ychwanegu unrhyw ddyletswyddau rhesymol eraill.  

Bydd y Rheolwr Data ac Adrodd yn rheoli tîm bach sydd â'r dasg o gynhyrchu data ac adrodd i gefnogi’r gwaith o wneud penderfyniadau strategol a rheoli perfformiad ar draws y Brifysgol.

Un o swyddogaethau allweddol y rôl hon fydd ymgymryd â'r prosesau sydd eu hangen i ganiatáu cyflwyno ffurflenni data statudol a rheoleiddiol sy'n ofynnol gan sefydliadau megis yr Asiantaeth Ystadegau Addysg Uwch (HESA) a Chomisiwn Addysg Drydyddol ac Ymchwil Cymru (Medr) yn gywir ac yn brydlon. Mae'r tîm hefyd yn gyfrifol am gydlynu ffurflenni gwybodaeth i dablau cynghrair a gosod, trefnu a goruchwylio arolygon adborth myfyrwyr a graddedigion a reolir yn ganolog.

Un sbardun allweddol i'r tîm yw cynyddu hygyrchedd ac argaeledd data ar draws y sefydliad, bydd hyn yn cynnwys safoni’r gwaith o adrodd, dylunio a chynnal delweddau data ystyrlon a gweithio ar brosiectau i wella llywodraethu data.

Disgwylir i ddeiliad y swydd weithio ar draws cylch gwaith llawn y tîm data ac adrodd a chefnogi'r Cyfarwyddwr Cynllunio Strategol.

Cyfrifoldebau Allweddol:

1. Dethol, trawsnewid a darparu delweddau a dadansoddiadau ar ystod o setiau data mewnol ac allanol sy'n ymdrin â phob cam o gyfnod y myfyrwyr yn y brifysgol yn ogystal â data staff.
2. Rheoli llwyth gwaith y tîm Data ac Adrodd i sicrhau data ac adrodd cywir a phrydlon er mwyn cynorthwyo adrannau academaidd ac adrannau gwasanaethau proffesiynol, y Weithrediaeth a Chyngor y Brifysgol i wneud penderfyniadau, cynllunio, rhag-weld a sbarduno gwelliannau ym mherfformiad y sefydliad. 
3. Bod â chyfrifoldeb cyffredinol am ffurflenni data statudol a rheoleiddiol. Bydd hyn yn cynnwys (ond heb fod yn gyfyngedig i) proffil Darparwr HESA, ffurflen Myfyrwyr HESA, ffurflen Alltraeth Cyfanredol HESA, ffurflen Staff HESA, poblogaethau Canlyniadau Graddedigion, DiscoverUni yn ogystal â ffurflenni data a gwiriadau sy'n ofynnol gan Medr a sefydliadau statudol a rheoleiddiol eraill.
4. Arwain y gwaith o ddatblygu, ymgorffori ac adrodd ar fetrigau Dangosyddyddion Perfformiad ar draws y sefydliad.
5. Goruchwylio’r gwaith o gydlynu ffurflenni gwybodaeth ar gyfer tablau cynghrair gan gynnwys QS world rankings, People and Planet, Complete University Guide, WhatUni, a'r rhai a gyhoeddir gan bapurau newydd cenedlaethol i sicrhau bod y Brifysgol yn cael ei chynrychioli yn y ffordd orau bosibl.
6. Rheoli darpariaeth arolygon mewnol a chyfleoedd adborth megis Arolygon ar Brofiad Myfyrwyr.
7. Cynhyrchu adroddiadau a delweddau data mewn fformat y gellir ei ddehongli'n hawdd ac ystyrlon gan ystod o ddefnyddwyr.
8. Arwain ar brosiectau sy'n ceisio datblygu a gwella pob agwedd ar lywodraethu data.
9. Gan weithio ar y cyd â'r Partneriaid Busnes Dealltwriaeth Cynllunio a'r Cyfarwyddwr Cynllunio Strategol, datblygu cyfres allweddol o fetrigau sy'n darparu gwybodaeth fonitro ystyrlon ac amserol ar gynlluniau a addysgir.
10. Cynrychioli'r adran Cynllunio Strategol, gan gymryd rôl weithredol mewn cyfarfodydd a digwyddiadau amrywiol trwy hysbysu a chymryd rhan mewn trafodaethau, sicrhau ymrwymiad i ddatblygu camau gweithredu a rhoi’r wybodaeth ddiweddaraf i gydweithwyr am ganlyniadau'r cyfarfodydd.
11. Cydymffurfio â gofynion Deddf Diogelu Data 2018 a GDPR ym mhob arfer gwaith gan gynnal cyfrinachedd, uniondeb, argaeledd, cywirdeb a diogelwch gwybodaeth fel y bo'n briodol. Cymryd cyfrifoldeb personol am yr holl ddata personol o fewn eu hamgylchedd gwaith.

Cyfrifoldebau Ychwanegol

Ymgymryd â dyletswyddau eraill a glustnodir i chi gan eich rheolwr llinell, sy’n cyd-fynd â graddfa'r swydd. 

Cymryd rhan mewn prosiectau a rhaglenni ar lefel y brifysgol yn ôl y cyfarwyddyd, ac ymgymryd ag unrhyw ddyletswyddau ychwanegol sy'n gymesur â'r rôl, fel y'u pennir i chi gan y rheolwr llinell.

Dangos hyblygrwydd trwy gynorthwyo cydweithwyr mewn cyfnodau pan fo’r llwyth gwaith yn drwm, gan gynnwys mynd i ddigwyddiadau allweddol y brifysgol megis diwrnodau agored a seremonïau graddio, a all gynnwys gweithio ar benwythnosau.

Hyrwyddo cyfle cyfartal, a chefnogi a chynnal ymrwymiad y Brifysgol i amrywioldeb a chynhwysiant ym mhob agwedd ar eich gwaith. 
 
Cefnogi strategaeth y brifysgol a’r cynlluniau ategol, ymgymryd â datblygiad personol a phroffesiynol parhaus yn unol â gofynion y swydd, gan gynnwys ymgymryd â gweithgareddau hyfforddi a datblygu perthnasol er mwyn eich datblygu’ch hunan a chefnogi datblygiad pobl eraill. 

Cyflawni’r cyfrifoldebau iechyd a diogelwch sy'n briodol i'r swydd, gan fynd ati’n weithredol i hybu iechyd, diogelwch a lles personol y staff a’r myfyrwyr fel aelod o gymuned Aberystwyth. Cefnogi hefyd ymrwymiad y Brifysgol i gynaliadwyedd amgylcheddol trwy arferion a chyfranogiad cyfrifol.  

Nid yw'r uchod yn rhoi rhestr gynhwysfawr o’r holl ddyletswyddau sy'n gysylltiedig â'r rôl hon.

Cyfrifoldebau Ychwanegol (Graddau 6-8)

• Ymgymryd â dyletswyddau eraill a glustnodir i chi gan eich rheolwr llinell, sy’n cyd-fynd â graddfa'r swydd. 
• Cymryd rhan mewn prosiectau a rhaglenni ar lefel y brifysgol yn ôl y cyfarwyddyd, ac ymgymryd ag unrhyw ddyletswyddau ychwanegol sy'n gymesur â'r rôl, fel y'u pennir i chi gan y rheolwr llinell. 
• Dangos hyblygrwydd trwy gefnogi cydweithwyr mewn cyfnodau pan fo’r llwyth gwaith yn drwm, gan gynnwys mynd i ddigwyddiadau allweddol y brifysgol megis diwrnodau agored a seremonïau graddio, a all gynnwys gweithio ar benwythnosau. 
• Hyrwyddo cyfle cyfartal, a chefnogi a chynnal ymrwymiad y Brifysgol i amrywioldeb a chynhwysiant ym mhob agwedd ar eich gwaith. 
• Cefnogi strategaeth y brifysgol a’r cynlluniau ategol, ymgymryd â datblygiad personol a phroffesiynol parhaus yn unol â gofynion y swydd, gan gynnwys ymgymryd â gweithgareddau hyfforddi a datblygu perthnasol er mwyn eich datblygu’ch hunan a chefnogi datblygiad pobl eraill.
• Cyflawni’r cyfrifoldebau iechyd a diogelwch sy'n briodol i'r rôl, gan hyrwyddo iechyd, diogelwch a lles personol y staff a’r myfyrwyr fel aelod o gymuned Aberystwyth. Cefnogi hefyd ymrwymiad y Brifysgol i gynaliadwyedd amgylcheddol trwy arferion cyfrifol a chyfranogi’n briodol.  

Nid yw'r uchod yn rhoi rhestr gynhwysfawr o’r holl ddyletswyddau sy'n gysylltiedig â'r rôl hon. 

Pwy ydych chi – Cymwysterau, Profiad, Gwybodaeth a Sgiliau sy’n ofynnol

Hanfodol 

1. Gradd mewn pwnc dadansoddi.
2. Profiad o weithio yn rhan o dîm o arbenigwyr data yn y sector Addysg Uwch
3. Profiad sylweddol o ddefnyddio cymwysiadau ystadegol/modelu (e.e. Excel) gan gynnwys dehongli canlyniadau
4. Profiad o gynhyrchu delweddau data a dangosfyrddau data
5. Profiad sylweddol o gynhyrchu ffurflenni statudol neu reoleiddiol yn y sector Addysg Uwch, er enghraifft ffurflenni HESA myfyrwyr neu staff
6. Gwybodaeth helaeth am systemau cronfa ddata cymhleth ar lefel defnyddiwr a damcaniaeth gweinyddu cronfa ddata ochr ôl (back-end)
7. Tystiolaeth o ddarparu cyfraniadau ystyrlon i brosiectau lle mae'r defnydd o ddata wedi arwain at newid i broses, polisi neu weithred sefydledig
8. Dealltwriaeth o'r angen i gofnodi ac ymdrin â data mewn modd sensitif ac yn unol â rheoliadau statudol Prifysgol Aberystwyth e.e. Bil Diogelu Data, GDPR a’r Rheoliadau Preifatrwydd a Chyfathrebiadau Electronig.
9. Gwybodaeth gref am fathemateg ac ystadegaeth, gyda phrofiad o'u defnyddio wrth ddadansoddi data
10. Gallu gweithio'n gywir o dan bwysau a rheoli llwyth gwaith amrywiol a heriol a bodloni terfynau amser y cytunwyd arnynt.
11. Y gallu i reoli llwyth gwaith tîm bach gyda chyfuniad o ddyddiadau cau mewnol ac allanol
12. Gallu trefnu a dadansoddi data a gwybodaeth gymhleth, a'u cyflwyno ar ffurf glir a chryno.
13. Medrau cyfathrebu ardderchog, ar lafar ac yn ysgrifenedig.
14. Yn gallu deall natur ddwyieithog y Brifysgol ac ymwybyddiaeth o’r gweithdrefnau sydd ar waith i gefnogi gweithio’n ddwyieithog.

Manteisiol

1. Gradd bellach neu gymwysterau penodol mewn Mathemateg neu Ystadegau neu Wyddor Data (neu faes cysylltiedig).
2. Gwybodaeth a phrofiad o reoli arbenigwyr data yn y sector Addysg Uwch
3. Profiad o weithio gyda chydweithwyr ar draws y brifysgol i ddarparu data ar gyfer cefnogi'r gyllideb a phrosesau rhagfynegi
4. Cyfrifoldeb blaenorol am ffurflenni data statudol a rheoleiddiol.
5. Profiad o arwain ar brosiectau sydd wedi defnyddio data i ysgogi newid
6. Profiad o weithio mewn swydd gyffelyb

*Gellir gweld manylion am Lefelau’r Iaith Gymraeg yma:
https://www.aber.ac.uk/cy/hr/policy-and-procedure/welsh-standards/ 

Sut i wneud cais

I hyrwyddo gweithlu hyblyg, bydd y Brifysgol yn ystyried ceisiadau gan unigolion sy'n chwilio am drefniadau gwaith amser llawn, rhan-amser, rhannu swydd, neu yn ystod y tymor yn unig.

Dylid gwneud cais am y swydd wag hon trwy jobs.aber.ac.uk.   Mae croeso i chi wneud cais am unrhyw swydd yn Gymraeg neu yn Saesneg, a bydd pob cais a gyflwynir yn cael ei drin yn gyfartal.

Buddion

• Polisi gweithio’n hyblyg
• 36.5 awr yr wythnos ar gyfer swyddi amser llawn
• Hawliau gwyliau hael – 27 diwrnod o wyliau blynyddol ynghyd â gwyliau banc a’r dyddiau pan fo’r Brifysgol ar gau
• Ymrwymiad i Ddatblygiad Proffesiynol
• Cyfraniad uwch i'n cynlluniau pensiwn gweithle
• Cynlluniau cydnabod a gwobrwyo staff
• Cyfle i ddysgu ac i loywi eich Cymraeg am ddim
• Bwrsariaeth tuag at symud i’r ardal
• Absenoldeb Mamolaeth, Tadolaeth, Rhieni a Mabwysiadu
• Gostyngiadau i staff yn yr adnoddau chwaraeon a’r mannau gwerthu ar y campws. 

Darllenwch ymlaen

Rydym yn croesawu ymgeiswyr o bob cefndir a chymuned ac yn arbennig, y rhai sydd heb gynrychiolaeth ddigonol yn ein gweithlu ar hyn o bryd. Mae hyn yn cynnwys ond nid yw'n gyfyngedig i ymgeiswyr DU, Asiaidd a Lleiafrifoedd Ethnig, ymgeiswyr ag anableddau, ac ymgeiswyr benywaidd.

Sefydliad Dwyieithog sy’n cydymffurfio â Safonau’r Iaith Gymraeg ac sy’n ymroddedig i Gyfle Cyfartal. Mae croeso i chi wneud cais am unrhyw swydd yn Gymraeg neu yn Saesneg a bydd pob cais a gyflwynir yn cael eu trin yn gyfartal.

Fisa Cyflogaeth

Rydym yn croesawu ymgeiswyr rhyngwladol sy'n gymwys i gael nawdd o dan y Llwybr Gweithiwr Medrus.

O dan y system bwyntiau, mae'r swydd hon yn bodloni'r meini prawf i gael ei noddi gan Brifysgol Aberystwyth ar gyfer cais Llwybr Gweithiwr Medrus. Sylwch mai dim ond y Dystysgrif Nawdd ar gyfer unrhyw fisâu cyflogaeth y bydd y Brifysgol yn cyfrannu tuag ati, ac na fydd yn cyfrannu tuag at dalu'r fisa cyflogaeth ar gyfer yr ymgeisydd sy’n cael cynnig y swydd, nac unrhyw ddibynyddion.

Bydd angen o leiaf 70 pwynt ar unrhyw ddarpar ymgeiswyr sy'n dod i weithio i Brifysgol Aberystwyth o dan y Llwybr Gweithiwr Medrus.

Cyfrifir y pwyntiau fel a ganlyn:

*Diffinnir ‘safon briodol’ fel a ganlyn:

• Dinesydd gwlad lle mai Saesneg yw prif iaith y mwyafrif
• Bod â gradd academaidd a astudiwyd drwy gyfrwng y Saesneg (os yw'n radd dramor, rhaid iddi fod wedi’i dilysu gan NARIC)
• Cwblhau a phasio prawf iaith Saesneg ar Lefel B1 neu uwch.

I gael rhagor o wybodaeth, gweler:  https://www.gov.uk/skilled-worker-visa