Technegydd Cynorthwyol

Disgrifiad Swydd

Y rôl
Beth fyddwch chi’n ei wneud
Pwy ydych chi – Cymwysterau, Profiad, Gwybodaeth a Sgiliau sy’n ofynnol
Sut i wneud cais
Buddion
Fisa Cyflogaeth

Y rôl

Mae cyfle wedi codi am Dechnegydd Cynorthwyol yng Nghanolfan y Celfyddydau Aberystwyth.

Mae Canolfan y Celfyddydau Aberystwyth, sydd wedi ennill sawl wobr, yn lleoliad o bwysigrwydd rhanbarthol, yn cynnwys theatr, neuadd gyngerdd, stiwdio berfformio, sinema a gofod sylweddol ar gyfer arddangosfeydd a gweithdai dysgu creadigol. Mae’n cynnig dros 300 o berfformiadau’n flynyddol ar draws pob ffurf gelfyddyd, ochr yn ochr â rhaglen o sinema, arddangosfeydd, gwyliau a digwyddiadau arbennig.

Bydd y Technegydd Cynorthwyol yn gweithio o dan oruchwyliaeth y Technegydd Uwch neu’r Technegydd o ddydd i ddydd (fel bo’n addas) i sicrhau bod digwyddiadau yn y Ganolfan yn cael eu cyflawni yn effeithiol ac yn hwylus.

Bydd gennych brofiad o weithio o fewn y diwydiant a byddwch yn sefydlu cefndir 

yn y maes cynhyrchu a thechnegol. Yn y rôl, byddwch yn gweithio fel rhan o dîm i sicrhau bod yr holl ddigwyddiadau artistig a masnachol a gynhelir yn y Ganolfan yn derbyn cefnogaeth dechnegol gyson o safon uchel. Yn ddelfrydol, byddwch wedi gweithio mewn canolfan gelfyddydau aml-ddisgyblaethol neu amgylchedd technegol perthnasol. Bydd gennych brofiad gydag un neu fwy o’r disgyblaethau hyn: goleuo, sain, crefft lwyfan.

Bydd gennych sgiliau cyfathrebu rhagorol a hanes da o adeiladau perthnasau cryf a gweithio gyda chydweithwyr o adrannau eraill a mudiadau allanol.

I wneud ymholiad anffurfiol, cysylltwch â Pete Lochery ar pdl@aber.ac.uk

Fel arfer fe benodir i swyddi o fewn 4 - 8 wythnos wedi’r dyddiad cau.

Beth fyddwch chi’n ei wneud

Technegol

• O dan arweiniad, i ddarparu cefnogaeth benodol i gwmnïau o fewn y Ganolfan, yn cynnwys cyfarfod â thimau creadigol ac artistiaid i sefydlu eu hangehnion technegol. Bydd hyn yn golygu gwneud penderfyniadau annibynnol o bryd i’w gilydd ond o fewn paramedrau bras a osodir gan y Pennaeth Gwasanaethau Technegol.
• I ymateb i ofynion technegol unrhyw ddigwyddiad sy’n defnyddio cyfleusterau’r Ganolfan ac i gymryd rôl ragweithiol wrth sicrhau llwyddiant unrhyw ddigwyddiadau y mae deiliad y rôl wedi'i neilltuo iddynt.
  • I ddatblygu arbenigeddau technegol yn barhaus (e.e. adeiladu setiau a chrefft lwyfan, AV, goleuo, sain) i alluogi gwaith y tîm a darpariaeth dechnegol y Ganolfan o dan arweiniad y Rheolwr Technegol.
  • I gyflawni’n gorfforol gofynion technegol unrhyw ddigwyddiadau fel rhan o wasanaethau’r tîm technegol ar gyfer Digwyddiadau Ymweliadol. 
    • Mewn cydweithrediad ag aelodau eraill o’r Tîm Technegol, i sicrhau bod y gofynion technegol ar gyfer digwyddiadau yn cael eu bodloni'n briodol ac i fod wrth law i gyflawni'r disgwyliadau a'r briff technegol y cytunwyd arnynt.

Cynhaliaeth Gyffredinol

• I gynnal yr holl ardaloedd cynhyrchu ac offer gan gynnwys rhannau penodol o'r adeilad.
  • I sicrhau bod yr holl fannau sy'n cael eu defnyddio ar gyfer adeiladu technegol neu ddyletswyddau cysylltiedig eraill yn aros yn lân ac yn ddiogel yn unol â'r protocolau a sefydlir gan y Rheolwr Technegol.

Iechyd a Diogelwch

• O dan reolaeth y Pennaeth Gwasanaethau Technegol ac o fewn protocolau penodedig a sefydlwyd trwy strwythur rheoli Iechyd a Diogelwch y Ganolfan, i gyflawni dyletswyddau fel bo’n addas i sicrhau eich diogelwch eich hun a phobl eraill yr ydych yn gweithio â nhw.
• Bydd y technegydd yn codi ac yn cario eitemau trymion yn rheolaidd.
• Bydd angen ar ddeiliad y rôl hefyd wisgo dillad amddiffynnol ychwanegol yn dibynnu ar y gwaith sy’n cael ei wneud. Gall hyn gynnwys eitemau fel masgiau ac efallai gorchudd i’r llygaid yn dibynnu ar y deunyddiau a ddefnyddir.

Eraill

• Ni fydd gan ddeiliad y swydd awdurdod gwariant uniongyrchol ond bydd yn gweithio gydag aelodau o'r tîm sydd ag awdurdodau o'r fath.
• Bydd deiliad y swydd o bryd i’w gilydd yn goruchwylio gwaith prentisiaid a thechnegwyr achlysurol.
• I weithredu fel wyneb cyhoeddus proffesiynol y Ganolfan, yn cysylltu’n uniongyrchol gyda chwsmeriaid a chleientiaid.
• I gyfrannu at ddarpariaeth dechnegol y Brifysgol yn fwy eang yn ôl galw anghenion busnes ac o fewn amserlen a reolir.
  • I fod yn ymroddedig i Bolisi Cyfleoedd Cyfartal ac Amrywioldeb y Brifysgol, ynghyd â dealltwriaeth ynglŷn â sut y mae’n gweithredu o fewn cyfrifoldebau’r swydd.
  • I fod yn ymroddedig i’ch datblygiad eich hun a’ch staff trwy ddefnyddio’n effeithiol Cynllun Cyfraniad Effeithiol y Brifysgol.  
  • Unrhyw ddyleswydddau rhesymol eraill a ofynnir sy’n gymesur â gradd y rôl. 

Mae gwaith corfforol trwm yn rhan o’r swydd hon, felly mae'n hanfodol bod gan yr ymgeisydd llwyddiannus lefel addas o iechyd a ffitrwydd. Gall penodiad i'r swydd fod yn amodol ar asesiad ffitrwydd boddhaol. 

Pwy ydych chi – Cymwysterau, Profiad, Gwybodaeth a Sgiliau sy’n ofynnol

Hanfodol

1. Dyfarniad Efydd ABTT a Phrentisiaeth Dechnegol Lefel 3 neu o leiaf dwy flynedd o brofiad mewn amgylchedd celfyddydol addas.  
2. leiaf dwy flynedd o brofiad fel technegydd o fewn amgylchedd sy’n ymwneud â pherfformiad byw a/neu digwyddiadau byw.
3. Profiad o weithio gydag amrediad eang o gleientiaid a rhanddeiliaid, yn fewnol ac yn allanol.
4. Gwybodaeth wedi’i diweddaru o dechnoleg theatr a lleoliadau eraill.
5. Gwybodaeth fanwl am reoliadau Iechyd a Diogelwch perthnasol, yn cynnwys ond nid yn gyfyngedig i: Gweithrediadau Codi a Rheoliadau Codi Offer (LOLER); Gweithio ar Uchder; Trydan yn y Gweithle; Rheolaeth Sylweddau sy’n Beryglus i Iechyd (COSHH;)  Darpariaeth a Defnydd Offer yn y Gweithle; Offer Amddiffynnol Personol.
6. Sgiliau rhyngbersonol da, yn galluogi gweithio’n effeithiol o fewn tîm.
7. Sgiliau cyfathrebu cryf, ar lafar ac mewn ysgrifen.
8. Y gallu i weithio heb oruchwyliaelth ac i fod yn rhagweithiol a blaengar wrth ddatrys problemau.
9. Y gallu i weithio o dan bwysau ac i derfynau amser tynn ac i ymdrin â nifer o flaenoriaethau sy’n gwrthdaro.
10. Profiad o weithio gyda’r cyhoedd yn gyffredinol.  
11. Cymraeg ar lafar a Chymraeg ysgrifenedig Lefel A1* neu dystiolaeth i ddangos ymrwymiad i ddysgu Cymraeg hyd at y lefel hon.

Dymunol

1. Gradd mewn pwnc perthnasol.
2. Cymraeg ar lafar a Chymraeg ysgrifenedig Lefel B1* neu dystiolaeth i ddangos ymrwymiad i ddysgu Cymraeg hyd at y lefel hon.

*Gellir gweld manylion am Lefelau’r Iaith Gymraeg yma:
https://www.aber.ac.uk/en/hr/policy-and-procedure/welsh-standards/

Sut i wneud cais

I hyrwyddo gweithlu hyblyg, bydd y Brifysgol yn ystyried ceisiadau gan unigolion sy'n chwilio am drefniadau gwaith amser llawn, rhan-amser, rhannu swydd, neu yn ystod y tymor yn unig.

Dylid gwneud cais am y swydd wag hon trwy jobs.aber.ac.uk.   Mae croeso i chi wneud cais am unrhyw swydd yn Gymraeg neu yn Saesneg, a bydd pob cais a gyflwynir yn cael ei drin yn gyfartal.

Buddion

• Polisi gweithio’n hyblyg
• 36.5 awr yr wythnos ar gyfer swyddi amser llawn
• Hawliau gwyliau hael – 27 diwrnod o wyliau blynyddol ynghyd â gwyliau banc a’r dyddiau pan fo’r Brifysgol ar gau
• Ymrwymiad i Ddatblygiad Proffesiynol
• Cyfraniad uwch i'n cynlluniau pensiwn gweithle
• Cynlluniau cydnabod a gwobrwyo staff
• Cyfle i ddysgu ac i loywi eich Cymraeg am ddim
• Bwrsariaeth tuag at symud i’r ardal
• Absenoldeb Mamolaeth, Tadolaeth, Rhieni a Mabwysiadu
• Gostyngiadau i staff yn yr adnoddau chwaraeon a’r mannau gwerthu ar y campws. 

Darllenwch ymlaen

Rydym yn croesawu ymgeiswyr o bob cefndir a chymuned ac yn arbennig, y rhai sydd heb gynrychiolaeth ddigonol yn ein gweithlu ar hyn o bryd. Mae hyn yn cynnwys ond nid yw'n gyfyngedig i ymgeiswyr DU, Asiaidd a Lleiafrifoedd Ethnig, ymgeiswyr ag anableddau, ac ymgeiswyr benywaidd.

Sefydliad Dwyieithog sy’n cydymffurfio â Safonau’r Iaith Gymraeg ac sy’n ymroddedig i Gyfle Cyfartal. Mae croeso i chi wneud cais am unrhyw swydd yn Gymraeg neu yn Saesneg a bydd pob cais a gyflwynir yn cael eu trin yn gyfartal.

Fisa Cyflogaeth

O dan gynllun system bwyntiau Llywodraeth y DU, nid yw'r swydd hon yn bodloni'r meini prawf i gael ei noddi gan Brifysgol Aberystwyth ar gyfer cais Llwybr Gweithiwr Medrus (SWR).